22.09.2020թ., Երեքշաբթի
ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ
0916.01.5  «ԴԵՂԱԳՈՐԾՈՒԹՅՈՒՆ»
ՄԱՍՆԱԳԻՏՈՒԹՅԱՆ ԸՆԴՀԱՆՈՒՐ ԲՆՈՒԹԱԳԻՐԸ
 
Մասնագետի որակավորումը` դեղագործ
Կրթությունը` միջին մասնագիտական
Կրթության հիմքը՝  հիմնական և միջնակարգ (լրիվ) ընդհանուր կրթությամբ
Կրթության տևողությունը՝  հիմնական ընդհանուր կրթությամբ 3 տարի և միջնակարգ (լրիվ) ընդհանուր կրթությամբ - 2 տարի
Ուսուցման ձևը` առկա (ցերեկային)
Վճարովի
Ուսման վճարի չափը՝ 150․000 դրամ
 
Ընդունելությունը՝ քննությամբ՝ «Կենսաբանություն» առարկայից:
 
 
Միջին մասնագիտական կրթության «Դեղագործություն» մասնագիտության մասնագետի մասնագիտական գործունեության բնութագիրը տրվում է ըստ զբաղմունքների տեսակների և մասնագիտական պարտականությունների: Միջին մասնագիտական կրթության «Դեղագործություն» մասնագիտությամբ մասնագետն իրականացնում է հետևյալ զբաղմունքները.  
  1. Դեղագործ՝ մանրածախ դեղագործական կազմակերպությունում
  2. Դեղագործ՝ մեծածախ դեղագործական կազմակերպությունում
  3. Դեղագործ՝ դեղեր արտադրող կազմակերպությունում։

«Դեղագործություն» մասնագիտության շրջանավարտները, ի տարբերություն բուհերի համապատասխան մասնագիտության շրջանավարտների, հնարավորություն ունեն հիմնել դեղագործական կրպակ (դեղատուն), աշխատել դեղագործական կրպակում՝ որպես վաճառող-դեղագործ։                

 
«Դեղագործ» որակավորմամբ մասնագետի մասագիտական պարտականություններ են.          
  • որոշել դեղերի, բժշկական նշանակության առարկաների և հարդեղագործական ապրանքների պահանջարկը
  • ձևակերպել դեղատան տեսականու ապրանքատեսակների պահանջագրերը՝ մատակարարներին
  • մատակարարներից ընդունել դեղերը, բժշկական նշանակության առարկաները, հարդեղագործական ապրանքները և ստուգել դրանց փաթեթավորման ամբողջականությունը
  • պահպանել դեղերը, բժշկական նշանակության առարկաները և հարդեղագործական ապրանքները
  • օգտվել պաշտոնական տեղեկատու աղբյուրներից, դեղի ներդիր-թերթիկից
  • տարբերակել մարդու օրգանիզմի վրա դեղերի տարբեր դեղաբանական խմբերի ազդեցությունները
  • դասավորել դեղերն ըստ դեղաբանական խմբերի, պահպանման և մերչենդայզինգի կանոնների
  • սպառողներին տրամադրել տեղեկատվա-խորհրդատվական ծառայություն՝ դեղերի, բժշկական նշանակության առարկաների և հարդեղագործական ապրանքների օգտագործման ձևի, պահպանման կանոնների և այլնի վերաբերյալ
  • կատարել բացակայող ԱԴՏ (առանց դեղատոմսերի տրվող, OTC-Over the count) դեղերի հոմանիշային փոխարինում
  • ընդունել դեղատոմսեր, ստուգել բաղադրատարրերի համատեղելիությունը և դեղատոմսի ձևակերպման ճշտությունը
  • պատրաստել դեղատնային պայմաններում տարբեր դեղաձևեր (կարծր, հեղուկ, փափուկ)
  • փաթեթավորել և ձևավորել պատրաստված դեղերը
  • բաց թողնել դեղատանը պատրաստված կամ գործարանային արտադրության դեղերը, բժշկական նշանակության առարկաները և հարդեղագործական ապրանքները
  • սպառողների հետ իրականացնել հետադարձ կապ, գրանցել և հաղորդել տեղեկություն՝ դեղերի կողմնակի ազդեցությունների վերաբերյալ
  • ձևակերպել մուտքային և ելքային օրդերները
  • կատարել ապրանքա-նյութական արժեքների հաշվառում և գույքագրում
  • կատարել դեղատան և դրա ստորաբաժանումների գործունեության տնտեսագիտական վերլուծություն
  • պահպանել դեղագործական էթիկայի և դեոնթոլոգիայի հիմունքները
  • կանխարգելել մասնագիտական հիվանդությունները
  • ցուցաբերել առաջին բուժօգնություն
  • պահպանել սանիտարական նորմերի, անվտանգության տեխնիկայի և հակահրդեհային անվտանգության պահանջները։

Ավելի շատ լուսանկարներ՝ այստեղ։

Մասնագիտության շրջանավարտների ցանկը՝ այստեղ: