15.10.2019թ., Երեքշաբթի
ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ
0913.02.5  «ՔՈՒՅՐԱԿԱՆ ԳՈՐԾ»
ՄԱՍՆԱԳԻՏՈՒԹՅԱՆ ԸՆԴՀԱՆՈՒՐ ԲՆՈՒԹԱԳԻՐԸ
 
Մասնագետի որակավորումը` բուժքույր/բուժեղբայր
Կրթությունը` միջին մասնագիտական
Կրթության հիմքը՝  հիմնական և միջնակարգ (լրիվ) ընդհանուր կրթությամբ
Կրթության տևողությունը՝  հիմնական ընդհանուր կրթությամբ 4 տարի և միջնակարգ (լրիվ) ընդհանուր կրթությամբ - 3 տարի
Ուսուցման ձևը` առկա (ցերեկային)
Հիմնական ընդհանուր կրթության հիմքով՝ անվճար 
Միջնակարգ (լրիվ) ընդհանուր կրթության հիմքով՝ վճարովի
 
Քույրական գործի մասնագետը պատրաստվում է աշխատելու, որպես բուժքույր/բուժեղբայր և նրա գործունեության ոլորտը ներառում է տարբեր սեփականության ձևերի առողջապահական, գիտահետազոտական, բնակչության սոցիալական պաշտպանության և բուժծառայություն իրականացնող այլ հիմնարկները:

Նրա գործունեությունը ուղղված է առանձին անձանց, ընտանիքներին, բնակչության խմբերին օգնություն ցուցաբերելու և ներառում է`

  • բնակչության առողջության պահպանումը և ամրապնդումը,
  • հիվանդությունների կանխարգելումը, 
  • բժշկի ախտորոշիչ և բուժական նշանակումների կատարումը 
  • հիվանդների համալիր խնամքը
  • առողջության վերականգնումը:

Բուժքույրը/բուժեղբայրը կարող է իրականացնել մասնագիտական գործունեության հետևյալ տեսակները`

  • բուժախտորոշիչ
  • բուժսպասարկման
  • բուժկանխարգելիչ
  • վարչակազմակերպչական
  • ուսուցողական

Բուժքրոջ հետագա կրթության իրավունքները.

  • յուրացնելու բարձրագույն կրթության կրթական ծրագրերը,
  • արունակելու հարակից մասնագիտությամբ բարձրագույն կրթական ծրագրերը
  • յուրացնելու միջին մասնագիտական շարունակական (հետդիպլոմային) կրթական ծրագրերը: